Dedh Tregedna

The Old School Centre

Yndan guntellva Rosweyth, an pyth yw bagas lows may halla bagasow an yeth kescussulya hag obery warbarth, yma Agan Tavas ow kemeres ledyans dhe restry Deth Tregedna. Tybyans an jeth yw gwellhe Kernowek cowsys, heb mar, saw ynweth y fyth chons rag settya patron ha parusy asnodhow rag dedhyow po ken penseythennow an keth par. An jeth settyes rag an kensa onen yw de Sadorn 22sa mys Whevrel 2020 ynter 9.00kh ha 10.00wh hag y fyth synsys y’n Gresen an Scol Goth, Eglos Hallow. Ny a vyn parusy prys ly ha kynyow oll warbarth yn Kernowek ha martesen, mars ues lowr a bobel owth ostya neb tyller yn ogas nos Gwener gans ostyans rom yn unyk, hansel ynweth. Kefrys ha parusy bos yn Kernowek, yn mysk tybyansow rag wharfosow y’n uer ma yma gwaryow bord ha tro yn mes y’n pow adro mars yw an gewer cuf ha dhysquedhyans art ha cannow an mor. Mar mynnyth dos dhe’n jedh ma gwra lenwel an furvlen¬†omma hag y dhanvon dhe’n drygva war an furvlen¬†gans agas pemont.

Lynen-varow rag ombrofyansow 15ves mys Whevrel.

 

Share this post

3 Replies to “Dedh Tregedna”

  1. Delia Brotherton says: Reply

    Marthus yw an dydhyow na ha ri meur a weres gans Kernewek. Nyns yns y kepar ha class ha moy ages yeth an werin yns, martesen kepar ha dydh gans teylu, ow cul hag ow clappya adro taclow kemmyn. Gwary teg yn gwir! / These days are marvellous and help a lot with Cornish. They are not like a class and are more than a yeth an werin, perhaps like a day with the family, doing and chatting about ordinary things. Great fun indeed!

  2. Audrey Metcalfe says: Reply

    Tybyans da, dhe les dhymm yw.

    1. A vynnyn ny dha weles ena, Audrey?

Leave a Reply