Un Hembrynkyas a’n Sordyans – John Rosewarne a Rosewarne (ogas dhe Gamborn)

Rosewarne Wollas
Rosewarne Wollas

Bys pan termyn ber ny wruk-vy keskelmy an gwary merkyl ‘Bewnans Meryasek’, an sordyans 1497 ha den gentyl John ‘Gentleman John’ de Rosewarne dhyworth Rosewarne ogas dhe Gambron yn conteth a Gerryer yn Kernow.  An sordyans o tuchya an tollow adhyworth Myghtern Henry Tudor dhe allosegy an Sawson dhe vatallyas an Albanas. Ynweth onen an dhrokwesyon y’n gwary o gelwys Teudar, yn sur chalynj ewn orth an Myghtern gans an eglos yn Kernow.

Ena, yth esa’n den John de Rosewarne (1480-1540), onen a’n lyes den dalhennys gans an Lu Sawsnek mes neb a wruk dyank an creger. An Myghtern a wruk sesya oll aga thaclow hag exylya oll an prysners. Mes John o an map secund dhe’n den gentyl William ha’n hendy Rosewarne a trygas whath y’n tylu drefen bos an lagha ‘Primo Genita’. Ef o gwerthys worteweth ha’n Kensa Jamys regnys.  Prenys gans laghyas an randyr mes ny allas ef tryga ena, chassyes yn mes del o ef gans an Tarosvan Ty Rosewarne.

Ny won-vy py le Den Gentyl John eth, mes y wrek Anne Aubyn eth ganso, hag an kensa a peswar flogh o denethys yn 1515 termyn hyr wosa y dhyvroeth. John a wruk merwel yn 1540, hag y wrek yn 1543. Hy yu encledhyes yn corflan Gambron.

Scryfys, trelys ha fylmys gans Clive Baker

Share this post