Kevrennow

Yma dhe’n Ynterros asnodhow dhe les tuchya Kernewek.  Der dhefnyth anedha, y hyllyr ha dysky Kernewek ha goslowes orto ha myras orth fylmys ynno ha redya mur an lyenyeth hep mos yn kergh a’n chy.  Dres henna gans medhelwyth ewn, (hep cost),  y hyllyr synsy kescows-gwydhyo gans cowetha dres an Ynterros:  ass yu devedhegyethek!

Otomma nebes kevrennow dhe dylleryow da rak cafos asnodhow.

(Gwra notya; ny wra Agan Tavas omgemeres rag an pyth usy yn gwyasvaow dhe ves dhyworto.  Bytegens, gwra agan avysya mar plek mar ny wra kevren vyth an re ma omma  obery may hyllyn aga ewna.)

An Gernewegva

Yma’n tyller ma ow profya cofva usy prest owth encressya a bodcastys clew ha kevrennow dhe wydheos YouTube (yn Kernewek),  gwary try ran whethel scyans, dathelva kescows ha mur moy.

Pellwolok an Gernewegva

Pellwolok yn Kernewek! Newodhow yn Kernewek pub mys ha taclow erel.

Lyverva hep Cost

Yma aberth yn restrynnow ma rol efan asnodhow war-lynen gorrys warbarth yn 2008 gans Eddie Climo.  An kevrennow re be whythrys ha dasnowethes, mars yu possybyl, gans mester gwyasva Agan Tavas.  Mar qureta cafos kevrennow marow, gwra notya y fyth an re ma whath dhe dhorn martesen der an Wayback Machine orth Cofscryfva an Ynterros (gwel awoles).

MAGA

Tre an Kescowethyans usy ow menystra an towl Furf  Scryfys Savonek.  Tyller efan yu lun a gedhlow ha newodhow hag asnodhow dyscargus ha kevrennow h.e.

Cowethas an Yeth Kernewek Cambron

Yma’n gowethas ma owth avonsya hag ow tysky Kernewek y’n randyr Cambron.

Cur Kernewek – Tereba Nessa

Purpos an cur ma yu avonsya menestouthy eglos yn un berformya ha canow carol Kernow hag antemys Kernow hag ow scodhya servysys yn Kernewek. Ethom a’s teves a esyly noweth ha welcom tom a vya.

Gorsedh Kernow

Yma Gorsedh Kernow owth avonsya gonesegeth Kernow yn y vysk Kernewek. Yma hy ow restry kesstryfow bledhennek yn aga mysk pewosow rag ober yn Kernewek. Y hyllyr usya pub eghen a spellyans.

An Guntelles Keltek – Scoren Kernow

An Guntelles Keltek Kesgwlasek yu restryans abarth ha dyscans ha gonesegeth gans costennow dhe wul dhe besya ha tybyansow ughel ha gonesegeth ha tavosow an boblow Keltek. Yma cuntellyans bledhenek yu synsys yn pub an whegh bro yn y dorn.

Project Gutenberg

Cofva bras lyfrow aral gans nebes a vry tuchya Kernewek y’ga mysk Dornlyver Kernewek Henry Jenner.

Cofscryfva an Ynterros

Cofscryfva bras dres eghen dafar ‘mes a wyr pryntyans – ha fylmys ha textow ha menestrouthy ha clew h.e.  Yma cofscryfva gwyasvaow kyn fe, ( an Wayback Machine), nebes anedha namoy war lynen war an wyasva;  y fyth comprehendys ynno, martesen, nebes asnodhow yu mes a wel a’n gwyasva y honen.  Yma dhe’n cofscryfva textow brassa ran an corf lyenyeth Kernewek ystorek a yllyr aga hafos gans whythransow yu apert a’n par;  ha ‘Cornish’ ha ‘Cornwall’ ha Kernewek ha taclow an par na.

YouTube

Yma dhe’n tyller gwyasva ma mur aswonys nyver skethrennow fylm Kernewek: whyla rag Kernewek po ken ‘Cornish language’.

Kescows Ynterros

Gans colm ynterros raf-ledan y hyllyr usya an kevryvyador rag kescowsel gans cowetha ha cowethysy po ken yn text po clew po gwydhyo.  Yma ethom a vycrofon ha camera gwyasva rag an dheu dhewetha hep mar.  Hep cost yu an medhelwyth hag ymava ow resek gans kevryvyador Machintosh po Windows.  Yma manylyon nebes an towlennow mur yn rol awoles hag y fya ethom creatya acont hep cost gans an yl po y gela rag usya an servys ma.

AIM Instant Messenger

Hem yu onen kesson ynweth gans an towlen iChat a dhe gans kevryvyadoryon arnoweth Macintosh.

Skype

Kescows ynterros hep cost ha galowow pellgowser usyes dres oll an bys hep cost po ysel y gost.

Gwask an Orlewen

Dyllor Kernewek

Gwythans Pensans (PZ Conservation)

Blog adro dhe gonservyans lyvrow ha scryvyow rak an termyn a dhe.

Pellwolok Porthya

Videos leel

Agan Tavas war Lyver Fas

Leave a Reply